The simple the better

Kini ang maayong buhaton nato sa tanang mga butang s atong kinubuhi.

Kini tungod kay diha sa pagkomplikado sa mga butang o gimbuhaton sa atong kinabuhi, mamahimong malangay ug dili kaayo matuhop ang rason kun nganong ato kining pagahimoon.

Bisan pud sa mga programa sa atong mga Parokya. The simple the better nga programa ug pamaagi.

Alang nako mahinungdanon kaayo nga atong i-consider kiningmosunod:

Meaning kun kahulogan. Sa matag gimbuhaton ug programa makahuloganon ba kini alang kanimo? Ug duna ba kini kahulogan sa imong isigkaingon. Basin ikaw lamang ang nagkinahanglan apan dili diay ang tanan?

Moment sa matag kalihukan ug programa dili lang kini mahitungod sa kagahapon o sa ugma. Hinunoa, ang sa karon.

 Kini tungod kay ang kagahapon nilabay na. Wala na kitay mahimo alang niini. Ang ugma wala pa ug wala pud kitay mahimo alang niini.

Ang mahinungdanon mao ang karon. Kay ang atong karon dunay dakong tampo sa atong kaugmaon.

Mission gipahimugso kita alang sa usa lamang ka tumong nga mao ang pag-ila, paghigugma, pag-alagad ug pakighiusa sa Dios.

Unta kining maong tumong nga atong nasayran maoy maggiya kanatong tanan sa tanang mga buluhaton nga gisangon kanato.

Ang tanan atong gihimo alang sa Dios ug sa atong kaigsuonan.

Dili nato komplikadohon ang tanang mga butang. Hinumdomi nga ang tinud-anay nga kaanyag ug kaambong anaa man sa Simple nga mga butang. Simplicity is beauty matud pa.