“Organic” na ang kapakyasan
BALITAHOM - Atty. Jose Marie N. Poblete (Banat) - December 22, 2019 - 12:00am

Segun sa balita, napakyas na usab ang Organico Agribusiness Ventures Corporation (Organico) pagsumite sa ilang counter-affidavit sa gipahigayon nga ika-duha’ng preliminary investigation sa kaso nga gisang-at batok sa maong korporasyon atubangan sa Department of Justice.  Organic o naandan na ba gayod nga hiyas sa Organico ang kapakyasan?  Pakyas sila sa pag-uli sa kwarta ngadto sa mga namuhunan nga katawhan; karon, pakyas na usab sila sa pagtubag sa kiha batok kanila.  Ang resulta: Pakyas usab ang gidamgo nga tingusbawan sa nailad nga katawhan. Ilad pa more!

“Add a friend” kon gusto mailad

Usa ka 25 anyos nga babaye ang gisikop sa mga operatiba sa Regional Anti-Cyber Crime Unit (RACU) sa kaso nga Estafa/Swindling ug Identity Theft of RA 10175 (Anti Cybercrime Prevention Act of 2012).  Gikataho nga ubay-ubay na ang nailad sa maong suspetsado sa iyang mini nga patigayo’ng ukay-ukay nga iyang gipahigayon pinaagi sa social media.  Sa iyang pagtingkagol karon sa bilanggoan, taas na unya siya ug panahon nga maglaraw og laing racket ingon man mangita og laing mabiktima sa Facebook.  Na hala, kinsa kadtong gusto mailad, “Add a Friend” na dayon. Madahaaan!

Barato na, embargohon pa!

Adunay pito ka tindahan ang gimultahan sa Department of Trade and Industry (DTI) 7 human masuta nga namaligya sila og mga Christmas lights kon “series” nga wala mopasar sa kalidad nga gilatid sa balaod.  Gi-embargo usab ang ilang gipamaligya nga “series.”  Sama ra nga napagngan sa kahayag ang maong mga tindahan niining pagpahamtang kanila og silot. Tukma sa maong mga tindahan ang SLOGAN nga nagkanayon: “Palit na sa Christmas Series nga Magpunay ka ug Ilis; Kini Barato na, Embargohon pa.”  Pagkatoytoy!

Di lang unta mag-hinanggaw

Gumikan sa nagkagrabe nga krisis sa trapiko, buot sa Provincial Traffic Management Board (PTMB) nga dumalahon na ang mga nasudnong kadalanan.  Responsibilidad man gayod sa lokal nga kagamhanan ang pagdumala sa trapiko sa tagsa-tagsa nila ka hurisdiksyon.  Dugay na ang suliran sa trapiko apan walay alibyo kay nagbalik-balik ra ang solusyon nga gidapat.  Dili ba “HINANGGAW” man ang pagbalik-balik pagbuhat sa usa ka gimbuhaton sa sama gihapon nga paagi unya magpaabot og lahi nga resulta?  Hinaut nga ni’ng higayona, dili na ang kagamhanan mag-HINANGGAW. Trapik lang gihapon!

KAPAKYASAN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with