Outsiders mikaraw sa mass wedding
SAKSAK SINAGOL - Lucky Malicay (Banat) - October 9, 2019 - 12:00am

Bongga diay kaayo kadtong usa ka mass wedding nga gipasiugdahan sa kagamhanan ning Dakbayan sa Sugbo sa niaging semana. Tiaw mo ba nga didto pa sa usa ka inilang hotel sa siyudad ang reception.

Pipila ka dosena nga mga magtiayon ang nakabenepisyo niadto. Ug akong nadunggan nga wala silay nagasto alang sa unsa man nga paghikotar sa ilang kasal diin ang mga kadagkoan pa sa siyudad ang mibarog nga mga sponsor.

Apan adunay taho nga akong nasagap nga duna kunoy mga outsiders nga misalga sa pagpahigayon sa maong mass wedding. Ug kadaghan kuno niini mga mi-starring mga asawa kuno niadtong mga pildero nga mga kandidato.

Kining mga outsiders wala gyud untay labot sa planning ug ubang bulohaton sa mass wedding. Apan naunsa bang pagkaunsa-a nga grabe man ang ilang labok aron ba kuno ingnon nga adunay dakong papel sa maong kalihokan.

Apan ang labing seryoso ug dako nga kontrobersiya sa maong kalihokan mao ang adlaw mismo sa mass wedding. Kini tungod kay adunay pipila niining mga outsiders ang nagsul-ob og itom nga sinina atol sa seremonyas.

Daghan hinuon ang naningangha niadtong higayona. Kay karon pa kuno sila nakakita og mga mingtambong sa kasal nga itom ang gisul-ob. Na, mora na hinuon og nagbangotan sila niadtong tungora kay lagi nagloto man sila sa ilang bistida.

Ang mga tigpaniid nakaingon gayud nga karon pa sila nakasaksi og kasal diin adunay nagsul-ob og itom nga sinena. Bitaw, kalain usab nga hunahunaon. Bisan ako wala pa ko sukad makakita og kasal nga color itom ang motif.

Hinuat nga dili na mausab kining klase sa kontrobersiya. Makauulaw baya hunahunaon kay apil sa mikisaw ang mga outsiders nga wala unta silay labot. Kini ilabina nga ang ngalan sa siyudad ang nakataya isip nag-unang sponsor sa maong mass wedding.

Hinuon, bisan pa man niini, malamposon ang maong kalihokan. Ug mapasalamaton ang mga beneficiaries ngadto kang Mayor Edgardo Labella, Vice Mayor Michael Rama ug sa mga sakop sa Konseho, ilabina kang Konsehal Prisca Niña Mabatid, ang pangulo sa Committee on Women and Family Affairs.

MASS WEDDING
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with