Ang sagradong dapit
MGA LAMAS SA KINABUHI - Fr. Rey Cui (Banat) - September 12, 2019 - 12:00am

Matud nila nga nagkinahanglan gyud kita og kwarta. Tinuod man na ug wa koy pagsupak niana. Apan dili ikalimod nga ang sagradong dapit mamahimong sentro usab sa patigayon. Kaniadto pa man ni.

Gani si Jesus diha sa mga ebanghelyo ang wala makapugong sa iyang kaugalingon ang nihimo og panghagis sulod mismo sa templo butang nga gikasuko pag-ayo sa mga kaparian ug mga magtutudlo sa balaod nga nanalipod sa ilang patigayon mismo diha sa hawanang sagrado. 

Sa katapusan gibayran kini ni Jesus sa iyang kaugalingong kinabuhi. Sa ato pa, daghan ang wala mahimuot ni malipay sa iyang gihimo.

Kining maong kahimtang padayong mikuyanap ingon nga sakit diha sa atong katilingban. Ang yanong pagtuo sa katawhan mahimong pahimuslan sa pipila nga mga bantay salakay ning atong kapupud-an.

Mga milagro nga kun buot hunahunaon gigambalay lang sa tawo aron mapuno ang ilang panudlanan sa mga halad nga sa atubang ilang gikawat gikan sa mga nagutmang mga anak ni Lazaro. Sa laktod gihimo ang milagro ingon nga extraordinary event sa kinabuhi sa tawo.

Apan ang tinuod nga definition niini mao man ang kausaban nga mahitabo sa tawo human siya makasinati sa maong milagro bisan unsa pa kini kayano. Dunay mga tawong lantip ug nasayod kun unsay husto  ang niuyon na lang tungod kay tingali hasol na ug way mapaabot kun ila kining sumpoon.

Ang pag-ampo nahimong pakapin lamang sa imong tinguha nga makigsuod sa Ginoo kay ang palibot mismo wala man motugot niini. Ang palibot nahimong mas busy pa sa Pasil o sa Carbon.

DAPIT
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with