EDITORYAL - Sila ray nagsabot-sabot
(Banat) - July 2, 2019 - 12:00am

Nakapasamot sa kalibog sa publiko ug nakapaduda hinuon sa mga kritiko kining pamaagi sa diplomasya ni Pres. Duterte ngadto sa China ilabi na kabahin sa pagpangisda diha sa kadagatang gideklarar sa Arbitral Tribunal nga ekslusibong iya sa mga Pilipino sama sa Scarborough Shoal o Panatag Shoal.

Sa report sa The Philippine Star, gibutyag ni Duterte nga duna na silay kasabotan ni Chinese president Xi Jinping niadto pang tuig 2016. Nga ang mga Chinese nga mananagat dili na mobabag sa mga Pilipinong mananagat diha sa Scarborough Shoal basta tugotan sab silang makapanagat sa Recto Bank.

Giangkon sa tigpamaba sa Palasyo nga si Salvador Panelo nga dili dokumentado o wala sa pormal nga papel nasuwat ang kasabotan tali sa duha ka lider kondili estorya lamang.

Si Duterte namahayag sab nga kun babagan ang mga Chinese makapanagat sa exclusive economic zone (EEZ) sa Pilipinas duna gyuy mahitabong problema.  Kun unsa nga problema iyang gipasabot siya ray nasayod.

Matud ni Panelo nga kun dili pa tungod sa maong sabot-sabot sa duha ka lider dili gyud unta makabalik og panagat sa Scarborough Shoal ang mga Pilipino.

Ang maong kasabotan wala moagi og konsultasyon gikan sa mga Pilipino ug ubang mga lider. Hinuon paspas ang epekto sa kasabotan.

Apan samtang tuod nakabalik na ang mga mananagat didto sa Scarborough Shoal kakompetinsiya naman hinuon nila didto sa Recto Bank, ang mga mananagat nga Chinese nga midako karon ang mga ulo ug maoy naghawod-hawod sa sud sa teritoryo sa Pilipinas.

Gani duha ka semana na ang nakalabay, nadasmagan pa sa Chinese fishing vessel ang panagatan sa Pilipinas nga may 22 ka tripulante nga gibiyaan ra sab sa mga Chinese ug swerte nalang nga nalabyan ug giluwas sila sa mga mananagat gikan sa Vietnam.

Kun gipublikar palang og tarong ni Duterte ang ilang kasabotan ni Xi, dili unta tingali modako ang pagduda sa publiko bahin sa iyang baruganan sa insidente sa Recto Bank.

ARBITRAL TRIBUNAL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with