Ang prutas nga guyabano kontra kanser (2)
(1) Mag-amping kay tunokon og panit kining guyabano (soursoup / graviola, ug hugasan og maayo kay malagmit dunay nakasuksok sa panit ang bagang toksik nga hugaw. Kun hilaw pa, pahinoga ni’g pipila ka adlaw.
Mahimo ni panitan sa kamot, kuhaan sa liso aylag ilabay ang panit, paugha sa hangin tigumon ug galingon kay magamit gihapon ning konsumohon nga pangontra sa kanser. Kay halos tanang parte sa guyabano, adunay kapuslanan sa panglawas.
Unya ang unod, human paniti ug kuhai sa liso, pug-a ang unod nga isawod sa panaksan hangtud lanot na lay mahibilin . Ighuman dugangig ½ sa tasang gatas ang 1ka basong tubig ang kada buok.
2) Salaa ang pinugang guyabano, sama sa unang paagi huhasan ug panitan kini ug hiwaag pino nga ibutang sa panaksan, mahimo sab dugangan og gatas para mas molapot konsumohon.
3) I-blend ang prutas, human makuhai sa panit ug liso, hiwaag pino, ibutang sa blender unya paandaron para wala nay hasol, ighuman mahimo na nga konsumohon, isip guyabano juice o smoothie.
Hinuon magdepende kini kon unsa kalapot o kalayaw sa guyabano juice o smoothie, mag-agad kini sa imong kinaham. Kalkuloha lang nga matagbaw ka sa igong gidaghanon basig dili kini mahurot malabay lang.
Ang guyabano juice o smoothie, dasok ni sa mga potensyal nga nutrens, busa mas maayo mag-anad na sa pagkonsumo ini, aron molig-on ang depensa sa lawas batok sa kanser ug ang atong imyun kanunay kusgan nga dili basta madutlan sa unsa man nga hinungdan sa pagkasakit. Kay dili baya lalim nga maulipon kita sa kinabuhing masakiton, maugtas ang atong paglaum, dugangang inutilon sa gasto
- Latest
