Hugaw gikan sa tambalanan
LINTUNGANAY - Fred Languido (Banat) - January 10, 2019 - 12:00am

Ang dakbayan sa Lapu-Lapu nabantog sa puti niini nga baybayon ug tin-aw nga dagat.

Ang makabibihag niyang lapyahan giilogan sa mga magpapatigayon aron ugmaron ang karon nabantog niya nga mga resort.

Sa mga langyaw sila gikahinaman ug kanunay nga giduaw.

Apan hangtud kanus-a mawili ang mga langyaw sa kabaybayonan sa Lapu-Lapu karon nga gipasipad-an sa mga lampingasan ug way puangod ang kalimpiyo sa iyang kadagatan?

Ang Environmental Management Bureau sa sayo pa mipasidaan na sa kahugaw sa tubig sa kadagatan sa Lapu-Lapu habig sa Mactan Channel.

Basi sa pakisusi sa EMB-7 taas ang level sa e-coli bacteria kun kagaw gikan sa hugaw sa tawo ang tubig sa dagat sa maong dapit.

Wala pa gani masulbad ang maong problema, karon mas grabi ang suliran nga mihasmag sa dakbayan.

Kini human madiskubrehi ang mga basura gikan sa hospitals nga gilabay sa kadagatan didto sa Lapu-Lapu.

Seryoso ang maong problema tungod kay gawas sa epekto niini ngadto sa turismo sa maong dakbayan ug sa Sugbo sa kinatibuk-an, apektado sab ang panglawas sa publiko ug panginabuhi sa mga mananagat.

Labing minus upat ka mga barangay sa Lapu-Lapu ang naapektuhan niining mga basura gikan sa hospitals. Lakip niini mga syringe, gamit sa dialysis, surgical gloves, ug uban pa nga mga gamit sa tambalanan nga duna pay lama sa dugo.

Si Mayor Paz Radaza mimando na sa labing minus duha ka mga tambalanan nga gituohang maoy gigikanan sa maong mga basura nga mohatag og katin-awan.

Ang mga tambalanan hinuon pulos nanghimakak nga sila maoy responsabli sa paglabay niini.

Sila pulos dunay mga kompaniya nga gisuholan aron mohakot ug molabay sa ilang mga basura.

Si Radaza mipasidaan na usab sa mga molupyo sa barangay Ibo, Pusok, Poblacion, ug Pajo nga likayan una ang pagpanginhas.

Sa ato pa ang mga tawo nga nagsalig sa ilang pangita sa pagpanginhas apektado niini.

Angayan manubag ang mga tambalanan nga responsabli.

Gikinahanglan ang dinalian nga aksiyon sa mga ahensiya sa gobyerno aron kapanalipdan ang kalikupan gikan sa mga lampingasan ug mga irresponsible nga mga balay patigayon.

 

TAMBALANAN
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with