^

Hambogero si Duterte

AMBOT LANG - Gerry Auxilio (Banat) - February 3, 2016 - 9:00am

Sa programa nga “Ikaw na Ba?” (presidential ug vice presidential interview) sa Super Radyo lukop nasud, gisulti ni presidential candidate Rodrigo Duterte nga sulbaron niya ang kriminalidad sa nasud sulod sa unom ka buwan sa iyang paglingkod pagka presidente.

Ang iyang solusyon, iyang imando ngadto sa mga polis ug militar nga patyon ang mga kriminal kun makamugna kini og kapeligro sa ilang kinabuhi.

Maayo lang sa hambog ni si Duterte. Kun ugaling siya ang mapresidente, simbako lang, ang mahitabo iya ra nga kaunon ang iyang hambog.

Ang muslim Mindanao ra ang mopakaon sa iyang hambog. Madis-armahan kaha ni Duterte ang Abu Sayaff ug ubang organized criminal group sa Mindanao?

Dili sa ingon nga negatibo ko sa solusyon sa nag-inisog nga mayor sa Davao, ang ako lang nga kinahanglang realistic siya sa iyang solusyon sa kriminalidad. Ipapatay ang mga nakahimo og krimen kun makamugna sila og kapeligro sa kinabuhi sa mga polis ug militar?

Kun mao kini ang iyang ipatuman gikinahanglan ni Duterte ang pag-usab sa batakang balaod kay dili siya makahimo niini nga walay paglapas sa balaod.

Layo sa tinuod ang hambog ni Duterte. Sa Davao iya seguro nga mahimo ang naandan niyang gihimo nga yanu-yanohon lang sa pagpatay ang giingon niyang kriminal, pero iya lang kining nahimo ngadto sa wala’y ikasarang nga kriminal.

Pangutan-on nako ang isog nga mayor sa Davao. Nakapatay ka na ba og mga tawo nga adunay dagkong pangalan nga nalambigit sa krimen? Nakapatay ka na ba og kauban nimo nga politiko nga drug lord, gambling lord ug uban pa?

Suwayi usa sila, sa dili pa nimo ihurot ang imong hambog.

ABU SAYAFF ANG DAVAO DUTERTE IYANG KUN MINDANAO NAKAPATAY NGA RODRIGO DUTERTE SA DAVAO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with