_banat
^

EDITORYAL – Kadudahan na gyud

(Banat) - November 29, 2015 - 9:00am

Dili imposible nga gituyo na gyud ang paglanganlangan paghakot sa mga basura diha sa kabarangayan aron nga masuko ang katawhan ngadto sa mga politiko nga mibabag sa pagpasar sa Supplemental Budget No. 1.

Didto sa Barangay Inayawan kaniadtong Miyerkules, nagtapun-og ang mga sinako nga basura kilid sa ilang sports complex. Ang barangay kapitan sa Inayawan kaalyado sa Team Rama.

May nakapangutana kun ngano nga wala man kini mahitabo sa Barangay Labangon, Guadalupe ug Mabolo nga ang mga kapitan alyado sa Bando Osmeña Pundok-Kauswagan?

Ngano nga mahakot man gyud lagi dayon ang mga basura niining mao nga mga barangay nga gidumala sa mga kapitan nga alyado sa BOPK? Dili makabasol ang administrasyon ni Mayor Michael Rama nga magduda nga gituyo na gyud ang paglangan-langan sa paghakot.

Ang dakbayan sa Sugbo daghan na kaayo og mga dagko nga garbage truck nga takus kaayo nga mohakot sa mga basura paingon sa pribadong landfill sa Consolacion.

Natural, kun ang mga tawo makakita nga ang ilang mga basura nagtipun-og nga wala gyud mahakot sa mga garbage truck, dili imposible nga magbaton gayud sila og kasilag ngadto sa mga sakop sa BOPK.

Si Mayor Rama misugyot og dugang P87 milyones nga gahin alang sa paghakot og basura diha sa giduso niya nga P2.8 Bilyon nga Supplemental Budget No. 1.

Gawas sa P51 milyones nga budget alang sa paghakot og basura karong tuiga, gidugangan pa gyud kini og P50 milyones gikan sa budget sa Calamity Fund, apan gusto gihapon nga mangayo si Rama og dugang pundo. Kahibudngan kay wala pa makatubag ang Executive Department diha nga gipangayoan sa City Council og kwentada kun giunsa paggasto ang P101 milyones nga budget nga gipasar sa City Council alang sa garbage tipping fee.

ANG BANDO OSME BARANGAY INAYAWAN BARANGAY LABANGON BASURA CALAMITY FUND CITY COUNCIL DILI MGA NGA SUPPLEMENTAL BUDGET NO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with