Sa malinawong bukid

Oktubre 1, 2015 ako nibiya na gyud sa Capitol Parish alang sa laing assignment. Gibati ko ang tumang kamingaw sa maong parokya kay for two years ako nipuyo dinhi. Si Bishop Dennis gyud ang nihimo sa maong Installation Rite. Human sa installation Rite akong gisuroy ang  luna nga nahimutang sa taas nga bukid. Gisingot ko tinungas apan pag-abot nako sa taas anaa ang kahilom but more importantly, anaa ang signal nga maoy kinahanglanon nako matag karon ug unya. Pagkagabii mahilom ang dapit ug namalandong ako sulod sa maong kahilom. Mahimong symbolic usahay ang pagsabot nato sa bukid ingon nga simbolo sa kahilom. Pahinumdom  kini nga diha sa kinabuhi, mahinungdanon kaayo ang paghilom aron atong himoon ang discernment of Spirits nga kanato moduaw.