Umento dili rollback

CEBU, Philippines – Mao unta kini ang gipangandoy sa matag mamumuo. Apan lahi ug wala kini matagamtam sa sektor sa draybers ilabi na ang mga jeepney draybers nga gitawag nga mga informal workers. Dapat moabante dili moatras.

Nahitabo kini tungod sa iyang pagka “informal” nga makauli kaayo nga modangat kaniya ang formal nga kausaban kay sukad pa sa pagsugod sa iyang panginabuhi hangtod sa katapusang gutlo ang draybers nagpabiling nag-inusara, kulang sa paglaom ug suporta sa kinabuhing sariling sikap.

Sa laktud pinasagdan, gidaug-daug og heavily” penalized with exorbitant fines & penalties. Natagamtam kini sa mga draybers ubos niining bulok og mapahimudsanong sistema diin multahan ra ang nanagko diha sa CITOM, sigundahan sa LTO sa mga dagko og makalilisang mga multahan hinungdan wala na’y kapaingnan ang maong sektor sa padayon nga kalisud dugangan pa sa pagkunhod sa kinitaan tungod sa grabeng kompetisyon, sapaw sapaw nga mga ruta, “congestion” sa kahuot sa kadalanan, kaminus sa round trips, kataas sa oras sa paggrahi ug bisan unsaon sa pagkayod mao lang gihapon, kakha tuka ang labas namong informal workers kun ekompara sa mga formal workers sa  kaayuhan ug benepisyo.  Layo ra kaayo kaming mga draybers sa mga dawatonon diin ang mga formal workers adunay overtime pay sa naghinobrang oras, adunay sick leave, vacation leave, paternal benefits, mga bonuses (mid-year 13th month pay) ug uban pa samtang ang mga draybers naglaway lang ilabi na karong Pasko, zero balance ang tanan. Busa, kining mga pag-umento sa suweldo o kinitaan ma-formal o informal workers ka man “welcome development” aron adunay adjustment sa usa kini ka ilang purchasing power.

Matagamtam lamang kini sa draybers sa higayon nga mosaka ang pletihan dili lamang pang adjust sa pagsaka sa presyo sa diesel kundili moumento usab ang kinitaan sa draybers. Sa maong paagi sa pag-umento dili kini angay nga hilabtan, bawion ug e-rollback sama sa gihimong panawagan. Hinaut nga nakapasabot kining among baruganan sa maong isyu.

Daghang salamat. Kaninyo matinahuron,

RUDY LACONZA, Chairman, ATOMIC, cel. no. 09232390839, tel. no. 4147402