^

EDITORYAL - Great Escape

Edwin Ian Melecio (Banat) - September 4, 2014 - 12:00am

Mikawat na usab og atensyon sa kalibotan ang klase ug kalidad sa mga sundalong Filipino atubangan sa mas daghang kaaway dihang luwas nga nakaikyas ang Filipino United Nations Peacekeepers didto sa Golan Heights nga way casualties ug dala ang tanan nilang mga armas ug gitawag kadto nga “great escape” sa usa ka opisyal sa Armed Forces of the Philippines.

Ang 75 Filipino Peacekeepers misukol sa mga Syrian rebels ug teroristang al-Nusra Front bisan pa man giunsa pag-atake ang ilang kampo.

Wa usab tumana sa mga Filipino ang mando sa Indian UN Disengagement Observer Force (UNDOF) commander pagtahan ngadto sa mga kaaway.

Dili kini pagmagahi sa ulo, kondili, pagpakita sa dungog, kaisog ug ang respeto sa gipanumpaan sa matag sundalo sa Pilipinas, ug kaakohan sa nasud nganha sa UN isip miyembro sa international community.

Maayong tangtangon sa pwesto ang heneral nga wa maghuna-huna sa dangatan sa iyang mga sakop.

Unang giatake ug hangtud karon hostage pa sa Syrian rebels ang 43 ka mga Fijian Peacekeepers. Samtang ang tanang Filipino, human sa pito ka oras nga binakbakay, nakabalik na sa safe zone.

Dili lang kini ang labing unang higayon nga nakita ang kalidad sa mga sundalong Filipino, kay atol sa Korean War niadtong 1950’s, way bisan usa ka posisyon sa Philippine Expeditionary Force to Korea (PEFTOK) ang na-overrun sa mas daghang komunistang Chinese Army ug North Koreans.

Haom lang gyud ang mga pulong sa labing sikat nga Amerkanong military general nga si Douglas MacArthur kaniadto nga nag-ingon: “Give me a thousand Filipino soldiers and I will conquer the world.”

Mga pulong nga makapabuhi sa dugo sa nagkaanam kabungkag nga panaghiusa sa mga Filipino taliwala niining panag-away sa mga lider niini tungod sa politika.      

ARMED FORCES OF THE PHILIPPINES CHINESE ARMY DILI DISENGAGEMENT OBSERVER FORCE FIJIAN PEACEKEEPERS FILIPINO PEACEKEEPERS KOREAN WAR NORTH KOREANS
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with