^

Hugyaw sa matinud-anong serbisyo

ARTIKULO - Romeo Limpangog (Banat) - January 30, 2014 - 12:00am

Daghan ang nag-ingon nga dili kapugngan ang tawo sa ilang pagdayeg sa mga nagdumala sa buhatan sa kagamhanan kun makita nila nga ang mga naghupot sa katungdanan naghimo sa ilang kaakohan nga matinud-anon nga walay pagpihig sa kabus ug adunahan.

Ang maong matang sa pagpangalagad nga gilakilakian karon sa mga pagpaningkamot ni Presidente Benigno Simeon Aquino III ang pagpitol  niadtong naghimo og kahiwian dili usab ikalimod nga ang mao niyang lakang gihangop usab sa kinabag-ang katawhan.

Gipasabot nila nga nunot niining maong lakang nga gihimo sa pamuno nasud miresulta usab sa pag-atubang og kaso sa mga opisyal sa kagamhanan nga gikatahapan nga naghimo og kahiwian nga labaw karong gipaabot nga dili lang unta masentro sa mga politikanhong kaatbang kun dili himoon kini sa tanan ug dili igsapayan kun si kinsa man ang mahiagom sa hampak sa katarungan.

Matud pa nila nga dili na bag-o ang kasayuran nga nahipos sa katawhang Pilipinhon nga ang nagkadaiyang buhatan sa nasudnong kagamhanan ang gikaluhaan usab og mga katahapang binuhatan sa mga opisyal nga nagdumala niini. Dugang pa nila nga ang mga panghitabo sa kahiwiang buhaton sa mga opisyal sa kagamhanan sukad pa kaniadto sa nangaging katuigan ug namasin na lamang sila karong panahona nga katibhangan kini ubos sa kasamtangang administrasyon kun ugaling dili man gayod mahingpit ang pagpakgang nga maoy nasentro karon ang pagsubay sa “Matuwid na Daan”  ubos sa panglantaw nga kung “Walang Kurap, Walang Mahirap.”

Kun magmalampuson man ugaling si Presidente Aquino sa mao niyang tinguha mao usab kana ang panahon nga dili na mobati og kasagmuyo ang katawhang Pilipinhon tungod kay nagtuo man nga ang kahiwian sa mga opisyal nga nagdumala sa matag buhatan sa kagamhanan mao usab ang hinungdan sa mga kakulian sa serbisyo nga ilang gikinahanglan.

Sama pananglit sa buhatan sa Land Transportation Office (LTO) 7 nga gireklamo nga ang pipila ka mga sangang buhatan hangtod karon wala pa gayod kabutangi og linya sa telepono nga maoy hinungdan nga ang ganghaan gibutangan na lamang og karatula nga nagpahibalo sa mga buhatan  nga walay telepono hangtod karon 2014.

Nalakip nga buhatan sa LTO nga walay telepono mao ang Mandaue City, SM, Danao City,  Talisay City, Toledo City, Jagna, Bohol, Talibon, Bohol ug Bayawan ug  ang adunay telepono mao ang LTO Regional Office 7, Carcar City, Lapu-Lapu City, Medellin ug Bais.

Gitataw nila nga bation gayod nila ang kasagmuyo kun ilang makita ang kakulian sa mga opisyal sa pagtuman sa ilang katungdanan apan mohugyaw usab sila sa matinud-anong serbisyo nga maoy ilang gilauman.

BOHOL BUHATAN CARCAR CITY DANAO CITY DILI LAND TRANSPORTATION OFFICE LAPU-LAPU CITY MANDAUE CITY
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with