Pit Senyor! Viva Senyor Santo Niño!
Sugilanon - Jethro Barita Ochea (Banat) - January 10, 2016 - 9:00am

“Pit Senyor! Viva Senyor Santo Niño...!” misinggit sa kusog nga tingog si Epos, samtang padayon siyang nagsinulog atubangan sa simbahan sa Basilica Minore ning adlaw’ng Domingo atol sa kapistahan ni Senyor Santo Niño. Hilabihan sa kadasok sa mga debuto nga naglinya sa gawas ug sulod sa simbahan. Nagdasok usab ang mga tawo sa halapad nga wanang sa Pilgrim Center.

Padayon nga misadsad si Epos sa atras-abante nga istiping sa iyang mga tiil. Giwarawara sa iyang duha ka mga kamot ang dinagkotang kandela.

“Salamat Senyor Santo Niño! Pit Senyor! Viva Senyor Santo Niño!” daw nakigduhawit ang kusog nga singgit ni Epos sa linagubo sa mga tambol sa kadalanan sa matag contingents sa nagsinulog. Nadayagnos si Epos sa mga doktor nga aduna na siya’y stage-four nga kanser sa baga sa miaging tuig 2015, resulta sa way tihiktihik niyang pagkapalainom ug pagkapalubog sa mga binong ilimnon ug sa pagkahinabako niya’g sigarilyo nga makahurot siya’g tagduha ka mga kaha, matag adlaw. Gitagalan ang iyang kinabuhi og duha ka bulan na lang! Mga kutob na lang siya sa Hunyo sa nakalabay’ng tuig! Apan wa siya mawad-i og paglaom. Matag adlaw na siyang mosimba ug nag-ampo kang Senyor Santo Niño. Nakasaaad siya nga kun makaabot pa sa Pista’s Senyor, magsinulog siya atubangan sa simbahan sa Basilica Minore ug mobiya na sa iyang bisyo. Mao nga karong adlawa, atol sa kasaulogan sa pista ni Senyor Santo Niño, gituman gayud ni Epos ang iyang saaran. Tungod kay gimilagrohan siya ni Senyor Santo Niño ug hingpit na nga naayo ang stage-four nga kanser sa iyang baga. Tungod sa hilabihang kalipay, nagpista usab karong adlawa ang iyang mga  ginikanan sa ilang balay sa Cabadiangan, sa lungsod sa Liloan. Dili usab  matukib ang gibating kalipay sa uyab ni Epos nga si Gellie nga hingpit na siyang naayo sa iyang kanser sa baga ug mahinayon na ang plano nilang pagpakasal.

“Pit Senyor! Viva Senyor Santo Niño...!” nagakakusog ang tingog ni Epos nga nagpadayon sa iyang pagsinulog atubangan sa simbahan sa Basilica Minore niadtong buntaga sa Pista  Senyor. (Kataposan)

ACIRC ANG ATILDE BASILICA MINORE IYANG MGA NGA PIT SENYOR SENYOR SENYOR SANTO NI VIVA SENYOR SANTO NI
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with