^

Banat Kalingawan

Taw-an

Samuel Petallar Agbo - Banat

Ang baggingan nahimutang sa dos andanas nga edipisyo. Sila si Edgar, Roel, Dondon, Denis, Jober ug Julius mao ang mga maintenance nga moayo sa mga makina sa conveyor ug uban pa.

Usa ka adlaw niana ang team leader sa trabaho nga si Erwin nipahibawo nga nadaot ang usa sa makina sa conveyor numero kwatro. Samtang nag-ayo ang mga maintenance uban sa ilang supervisor nga si Edgar didto usab nangaon sa canteen ang mga sakop ni Erwin nga sila si Mario, Tanciong, Onyong, Eping, Riel, Romeo ug Faus. Tuod, daling naayo ang nadaot nga makina dayong lakaw sa mga maintenance, samtang nagpabilin si Erwin sa maong edipisyo. Kalit lang may mga tunob siyang nabati. Napugwat pag-ayo si Erwin tungod kay ang duha ka paresan nga sapatos nga itom naglakaw kini nga walay tawo padulong sa unahan dayong kahanaw. Nakuyawan na si Erwin sa iyang nasaksihan. Wala paabota nakita niya si Tanciong nga nagdala’g buwak nga itom ug iyang giduol.

Nahibulong pag-ayo si Erwin nga igo lang nitutok si Tanciong. Sa dihang nagkabagat ilang mga mata ingon sa kusgan na ang iyang pamati hangtod nga ang iyang tuong kamot buot mounay sa iyang kaugalingon nga kalit nagkumo na nga diha atubang kaniya. Pak! Maayong pagkawingig sa nawong ni Erwin. Human sa nahitabo nilakaw si Tanciong ug kilab lang nahanaw. Taudtaod nanglurat ang mga mata ni Erwin, kay si Tanciong kuyog naman sa uban niyang mga sakop.

“Tanciong, nganong wala man ka motingog kaganina? Nagdala ka’g buwak nga itom ug haet ang imong tinan-awan,” ni Erwin pa. “H-Ha? Wala man ko diri kaganina! Saksi ang atong mga kauban nga kuyog ko nila sa pagpangaon!” ni Tanciong nga nahibulong.

“Erwin, nakasabot nako, kadtong Tanciong nga imong nakita kaganina usa kadto ka dili ingon nato. Gisundog lang ang iyang panagway!” sambat ni Dondon.

“Tinuod kana ang gisulti ni Dondon. Didto sa among opisina aduna usab kami’y gikatingad-an. Kining edipisyo nga atong gitrabahoan usa kini ka hilan o taw-an!” hapit magkadungan sa pagsal-ot sa dugang pagsulti nila ni Roel ug Denis. (Katapusan)

ACIRC

ANG

DENIS

DIDTO

DONDON

ERWIN

MGA

NGA

ROEL

TANCIONG

WALA

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with