^

Banat Kalingawan

Daman sa udtong tutok

INTIMATE MOMENTS - Rosalie V. - Banat

Gula 44

Wala ko dawata sa akong gipang-aplayan. Wala ko mawad-i og paglaom. Nagpadayon ko sa pagbagdoy sa Tagbilaran aron pagpangita og trabaho. Pero pulos gayod walay bakante sa akong gipang-aplayan.

Hapon na. Unya, takulahaw lang, misaghid sa akong hunahuna ang magtiayon nga sila si sir Luis ug ma'am Vanny Adriane, ang kanhi kong mga agalon sa Cebu. Nakahukom kung moadto na lang sa Cebu total duna may barko molarga paingon sa Cebu karong gabii. Tuod man, misakay ko'g barko paingon sa Cebu.

Tungod ba kaha kay dugay kaming wala magkakita sa kanhi kung amo, dugay kaayong nakaila ang magtiayon kanako. Apan nahinangop sila sa nakaila na.

"Kumosta ka na man, Darlene?" sukit ni Ma'am Vanny. "Minyo ka na ba?"

"Oo, Ma'am," laktod kung tubag. "Tulo nay akong anak."  Namatikdan kung mitutok si sir Luis kanako.

"Midaot ka man lagi,' ni sir Luis pa.

"Tungod sa kadaghan sa problema, Sir," matud ko. "Pait kaayo ang among kahimtang didto sa Bohol. Way trabaho ang akong bana." "Mao ba?" nakaingon si sir Luis dungan ang pagpanglingo.

Wala ako maglangan. Gidaygan ko dayon ang magtiayon sa akong tuyo. Giprangkahan ko sila nga nangita ko'g trabaho.

"Tayming kaayo kining imong pag-anhi sa Cebu, Darlene," ni Ma'am Vanny pa. "Nagkinahanglan mi'g katabang karon. Bag-o lang gyud nga mipauli sa Dumaguete ang among katabang." "Puyde kang magsugod karon dayon, Darlene," matud ni sir Luis. "Maayo hinuon nga mianhi ka. Di na kami magduhaduha sa pagdawat nimo kay nakaila na man kami kanimo."

Nalipay ako pag-ayo.

Buotan gayod kaayo ang akong mga agalon. Bisan mao pay akong pagsugod og trabaho, gihatagan dayon ko nila sa pasiuna sa akong suweldo. "Aron makapadala ko dayon og kuwarta ngadto sa imong mga anak," nagkanayon si Ma'am Vanny.

Wala ko maglangan. Ang kuwarta nga gihatag ni Ma'am Vanny kanako gipadala dayon nako ngadto sa Bohol pinaagi  sa usa ka pawnshop. Ang girumbo si tatay Barlo ang adres aron ang ako gayong amahan ang makadawat niini. Dili ko buot nga si Jack ang makadawat sa maong kuwarta kay basin iya lang kining gastohon alang sa iyang bisyo. – Sumpayan pa

vuukle comment

AKONG

ANG

BOHOL

CEBU

DARLENE

LUIS

QUOT

TUNGOD

VANNY

VANNY ADRIANE

WALA

Philstar
x
  • Latest
Latest
Latest
abtest
April 12, 2024 - 12:00am
fbtw
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with