_banat
^

Mutya sa bukid

WILD ORCHIDS - Cindy Jones (Banat) - November 12, 2015 - 9:00am

Gula 9

 

Nagpasalamat si Ramon nga giandaman siya’g kape ni Sheila. Nakit-an usab sa ulitawo nga nagbitbit si Sheila og botelya sa panghaplas. “Nagdala ka man lagi og panghaplas Sheil,” matud ni Ramon.

“Oo, kay inighuman nimo’g inom sa kape, ako ka nga masahean para mahuwasan ka sa hilanat. Talilarga ka ra ba sa probinsya unya sa Domingo sa kaadlawon,” ni Sheila. Wala makatingog si Ramon.

Naglingkod ra sa ngilit sa kama si Ramon samtang miinom sa gitimpla nga kape ni Sheila. “Ganahan ko sa imong tinimplahan Sheil da,” matud ni Ramon.

Mingisi si Sheila ug nangyamiid, “Hmm, bulatik. Bi, hukasa ang imong T-shirt kay aron masahean nako ang imong buko-buko,” matud ni Sheila nga mitabang aron mahukas ang gisul-ob nga T-shirt ni Ramon.

Nagsugod dayon si Sheila sa pagmasahe ni Ramon. Miagulo si Ramon samtang nagpamati sa naglaguto niyang buko-buko nga giayo’g hapyod sa dalaga.

“Maayo ka man diay kaayo nga momasahe Sheil,” matud ni Ramon nga nag-ubo sa kama samtang gihapyud-hapyod sa dalaga ang iyang buko-buko.

Gigilokan si Ramon diha nga gihaplasan ni Sheila ang dapit nga bahin sa iyang sampot. “Diin ka nakat-on pagmasahe Sheil,” ni Ramon nga nakuntento gyud sa pagmasahe sa dalaga.

“Ako man maoy sugoon ni papa nga momasahe niya kun kapoyon siya… mao nga nakat-on na lang sab ko,” ni Sheila pa.

Wala damha ni Ramon nga anam-anam siya nga giganahan sa padayong paghapyud-hapyod ni Sheila sa iyang buko-buko. Ingon sa hinay-hinay’ng mituskig ang iyang pagka lalaki. (Sumpayan)

 

ACIRC ANG BUKO DIIN DOMINGO GANAHAN NGA RAMON SHEIL SHEILA WALA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with