Pista sa bukid
WILD ORCHIDS - Cindy Jones (Banat) - August 4, 2015 - 10:00am

Gula 1

Buntag pa gani, busy na kaayo ang pamilya ni Kenn sa pagpangandam sanglit daghan ang mangabot sa ilang panimalay inigkahapon. Bisperas karon sa pista sa ilang barangay nga sakop sa Tabuelan ug adunay mga bisita ang iyang maguwang nga dia nagtrabaho sa siyudad.

Mura’g naghinam-hinam si Kenn kay gipahibalo siya’ng daan sa iyang maguwang nga si Nympha nga upat ka chicks nga kauban niya sa trabaho dinhi sa dakbayan sa Sugbo ang mouban sa pagpamista didto sa ilang lungsod.

Maoy diha sa huna-huna ni Kenn nga kay sa siyudad man magtrabaho ang mao nga mga babaye sigurado gayud nga sila mga makabibihag kaayo og pamorma. Alegre kaayo ang pista sa ilang dapit ni Kenn kay anaa pa gihapon ang binukid nga estelo sa pagsayaw nga maggakus ang mga babaye ug lalaki.

Tuod, alas dos sa hapon nangabot na sila si Nympha nga maguwang ni Kenn ug may kauban nga upat ka babaye. Gikan si Kenn nga nagkawos og tubig gikan sa tinubdan sa ilang dapit.

Gipaila-ila ni Nympha si Kenn ngadto sa tulo niya ka kaubang babaye. Mikidlap lang ang mga mata ni Kenn nga misud-ong sa panagway sa mga mapahiyumong chicks.

Nananghid si Kenn nga mobalik usa siya sa tinubdan aron pun-on niya daan ang pundohanan nila o tubig. Ang tulo ka babaye nga kauban sa igsuon ni Kenn gusto nga mouban paingon sa tinubdan.

Sa tulo ka babaye, nakursonadahan dayon ni Kenn ang usa sa mga babaye nga may pagka hilomon. (Sumpayan)

ALEGRE ANG BABAYE BISPERAS BUNTAG GIKAN GIPAILA KENN MAOY MGA NGA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with