Hornets gipaksit ang Nets, 3-0 na

CEBU, Philippines — Si Miles Bridges mipatuasik og 32 puntos sa dihang gipaluhod sa Charlotte Hornets ang Brooklyn Nets, 111-95, alang sa ikatulo nilang sagunson nga daog sa NBA kagahapon didto sa Barclays Center sa New York.

Bitbit ang 3-0 nga baraha, mao kini ang labing nindot nga sinugdanan sa Hornets sa usa ka NBA season.

Ang Hornets alkansi og otso puntos sa halftime apan nagmangtas sa second half diin sila mipatigbabaw sa pinuntosay, 61-37, aron pahagbaon ang Nets sa una niining home game. 

Gawas ni Bridges, si LaMelo Ball misalida sab uban ang 18 puntos ug ingon man sila si Ish Smith ug Body Martin nga nagkumbinar og 27 puntos alang sa Nets nga unang mibugha sa Indiana Pacers ug Cleveland Cavaliers sa wala pa patikangkanga ang Nets.

Si Kevin Durant mipabuhagay og 38 puntos apan naminghoy kini gumikay kay ang Nets napukan sa ikaduhang higayon ug didto pa gyud mismo sa ilang korte.

Si James Harden dunay 15 puntos alang sa Nets, nga nasipyat og 26 sa 35 nila ka 3-pointers nga usa sa mga hinungdan sa ilang pagkasukarap atubangan sa ilang fans.