Managitay og motorsiklo sikop sa kapolisan sa Labangon
CEBU, Philippines — Nasikop sa kapolisan sa Labangon Police Station ang usa ka giingong notadong managitay og motorsiklo niadtong Martes sa hapon diha sa Upper Kalunasan, Dakbayan sa Sugbo.
Dala sa mga polis ang warrant of arrest batok kang alyas “Adrian, 29-anyos, residente sa Sitiop Kawayanan, Barangay Buhisan, Dakbayan sa Sugbo.
Nasayran nga ang suspetsado nabutang kini sa top 7 most wanted person regional level.
Ang suspetsado nag-atubang kini og kasong kalapasan New Anti-Carnapping Act of 2016.
Si Regional Trial Court (RTC) Judge James Stewart Ramon Himalaloan sa Branch 7 sa Dakbayan sa Sugbo ang niisyu sa warrant of arrest batok sa suspetsado niadtong Mayo 13, 2024.
Ang korte nirekomendar og P300,000 nga piyansa alang sa temporaryong kagawasan sa suspetsado.
Matud sa kapolisan nga ang suspetsado usa ka notadong motornapper ug mao kini ang suspect sa kawat sa mga motor sa Siyudad sa Sugbo diin giingong iyahang i-chop-chop ang mga motorsiklo nga iyang madagit. (BANAT NEWS)
- Latest
