DTI mopatuman og price freeze
CEBU, Philippines — Ipatuman sa Department of Trade and Industry ang price freeze sa mga dapit nga gideklara sa local government units nga ubos sa state of calamity tungod sa grabeng epekto sa El Niño.
Kini ang gipahibalo sa kalihim sa DTI Alfredo Pascual atol sa pagbisita niini sa Sugbo.
Nipahimangno usab ang DTI sa mga negosyante nga motuman sa price freeze order sulod sa 60 ka adlaw human unya mapublikar sa pamantalaan.
Posibleng mapatuman ang price freeze karong semanaha ug ang mga negosyante nga mapakyas sa pagpatuman niini mag-atubang og silot.
Ang maong lakang gihimo aron makatabang sa mga tawo nga naapektohan sa El Niño.
Lakip na ang Lalawigan sa Sugbo ang napaubos sa state of calamity diin gipirmahan ni Gobernador Gwendolyn Garcia ang executive order nga suportado sa resolusyon sa hunta provincial tungod sa grabeng kadaot nga namugna sa huwaw sa panginabuhian sa katawhan ilabi na sa mga pananom. (BANAT NEWS)
- Latest
