LWUA pabor sa tinguha ni Rama pagtukod og water district
CEBU, Philippines — Walay pagsupak ang Local Water Utilities Administration (LWUA) sa tinguha ni Mayor Michael Rama nga magtukod og water district nga kaugalingon ang Siyudad sa Sugbo.
Bisan pa nga anaa na ang Metropolitan Cebu Water District (MCWD).
Gibutyag ni Rama nga gilihok na kini karon ug nagtuki na sila niini uban sa mga tawo sa LWUA kinsa pabor sa maong tinguha.
Si Rama niluwat sa maong pamahayag atol sa pakighinabi niini sa mga tigbalita sa gipahigayon nga presscon niadtong Miyerkules.
Gibutyag ni Rama ang iyang tinguha sa pagtukod og water district lakip ang pagtukod og port authority human sa mga kontrobersiya nga giatubang niini nga giingong wala hatagi og bili ang gahum sa kagamhanan sa dakbayan ilabi na nga nagpadayon gihapon ang port expansion bisan pa sa kamandoan sa pagpahunong niini tungod kay walay permit gikan sa city hall. (BANAT NEWS)
- Latest
