^

Banat Balita

Zero casualty sa pabuto gitinguha sa Talisay

Gabriel C. Bonjoc - Banat

CEBU, Philippines —  Tinguha sa kagamhanan sa dakbayan sa Talisay nga way masamdan sa mga pabuto ning pagsaulog sa Pasko ug Bag-ong Tuig.

Si bise mayor Richard Francis “Choy” Aznar kinsa maoy chairman sa committee on health miingon nga aron makuha nila ang zero casualty ug injury nakig-alayon sila sa city health office kalabot niini.

Samtang si Dr. Lino Alanzado, pangu sa City Health Office niingon nga sa iyang obserbasyon hinay-hinay na nga na edukar ang mga tawo sa pag gamit sa pabuto.

Gani sa mga nanglabay nga katuigan menos man ang ilang natala nga nabuthan atol sa pagsugat sa Pasko.

Si konsehal Ofelia Ylanan nga maoy chairman sa committee on Women and Children nipahinumdom sa ginikanan nga responsibilidad nila ang ilang mga anak nga kinahanglan nga ilikay ug dili paduwaon sa mga pabuto.

Mga bata nga manaygon

Giawhag sa konseho sa Dakbayan sa Talisay ang katawhan nga kung mahimo dili patagaan og kwarta ang kabataan nga manaygon diha sa kadalanan.

Tumong nila nga maundang na ang pagsaoy-saoy sa mga bata nga manaygon sa matag sakyanan ilabi na diha sa Cebu South Coastal Road (CSCR).

Si konsehal Ofelia Ylanan, chairman sa committee on Women and Children nibutyag nga dako nga peligro ang gibuhat sa mga bata. Iya na kining gisumbong sa City Social Welfare and Development (CSWD) ug gani nahimoan na og operasyon.

Matud pa ni Ylanan kasagaran sa ilang na rescue dili taga Talisay hinungdan nga gihatud kini ngadto sa siyudad sa Sugbo.

Apan namalik sila og pagpanglimos ug pagpanaygon hangtud karon sila nagkadaghan.

“Maluoy man ta nila pero mas makaloluoy kung sila madasmagan,” dugang pa ni Ylanan.

Pahinumdum sa mga seniors

Gipahinumduman usab sa konseho sa Dakbayan sa Talisay ang mga senior citizen nga dili magpalabi sa ilang gipangkaon.

Kini ilabi na nga wala ug tuo ang mga party ang gipangtambongan subay sa kapaskohan.

Si konsehal Ofelia Ylanan, chairman sa committee on senior citizen affairs nibutyag nga kinahanglan sa mga edaran ang sakto lang nga kaon ug inom. Matud pa ni Ylanan nga ampingan gyud ang kaugalingon aron magpadayon sila sa pagdawat sa mga ayuda sa kagamhanan.

Ang mga senior citizen sa Talisay magdawat og pinansyal nga ayuda matag kwarter sa tuig.(BANAT NEWS)

vuukle comment

TALISAY

Philstar
x
  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with