Top 5 most wanted sa Talisay nasikop
CEBU, Philippines — Nadakpan sa kapolisan ang gikonsiderar nga top 5 most wanted sa Dakbayan sa Talisay.
Nasikop si Ronaldo Delfino, 48 anyos nga taga Purok Sayote, Barangay Poblacion, Dakbayan sa Talisay.
Si Police Lt. Col. Wayne Magbanua, hepe sa kapolisan sa Syudad sa Talisay nakig alayon sa kapolisan sa Davao Del Norte ug sa Davao City.
Kini human ilang nakit-an nga nagtago-tago didto sa Davao ang suspek.
Si Delfino adunay kasong rape ug aduna kini warrant of arrest nga giluwatan ni Honorable Judge Romeo Reyes Jr. sa Regional Trial Court (RTC) 7th Judicial Branch sa Talisay City.
Ang dinakpan naa na sa kustodiya sa kapolisan ug ipresentar na unya kini sa korte.— IBM (BANATNEWS)
- Latest