Rama nibalik sa kaulohan aron motambong sa NEBM

CEBU, Philippines — Nibalik sa kaulohan si Mayor Michael Rama alang sa dugang hugna sa tigom sa National Executive Board Meeting (NEBM) sa League of Cities of the Philippines (LCP).

Si  Rama kinsa national president nagkanayon nga sa maong liga usa sa tukion sa ilang tigom  mao ang   inflation ingon man ang pagsiguro nga makiangayon nga  presyo sa mga baligya sa merkado .

Sayo pa, gipaambit sa mayor sa niaging adlaw nga kinahanglang adunay pamaagi sa pagsagobang sa maong mga problema.

Subay sa giatubang nga “inflation” sa nasud gipaniguro sa kagamhanan sa Siyudad sa Sugbo nga mogama og aksiyon kabahin sa maong problema.

Tumong ni Rama nga magpasiugda sa daling panahon og Food Security Summit.

Matud ni Rama nga kinahanglan ang pagsustiner sa pagkaon sa katawhan.

Sa laing bahin, nahisgotan sa mayor ang preparasyon alang sa grand “Sinulog Philippines” karong 2024.

Gikatahong magsugod sulod karong tuiga ang paglusad niini nga taposon sa ikatulong Domingo sa Enero 2024.

Nasayran nga sa South Road Properties gihapon ipahigayon ang Sinulog Philippines 2024.

Subsob ang himuon nga promotion niini nga magdasig sa out-of-town contingents nga mosalmot niini. (BANATNEWS)