Mixer midaro sa mga sakyanan ug motor

CEBU, Philippines — Duha angol sa karambola sa mga sakyanan ug motorsiklo diha sa dalan S. Osmeña, Barangay San Roque, siyudad sa Sugbo alas-5 kagahapon sa buntag.

Kini human usa ka mixer truck nga nipalyar ang brakes nidaro sa mga sakyanan ug motorsiklo sa unahan niini nga nag-urong sa stop signal sa traffic lights sa maong dapit.

Sa CCTV footage nga gi-post sa pangulo sa Road Management Authority Raquel Arce makita nga diretso ang dagan sa mixer truck nga gimaneho ni Elmar Dablo hantod mibangga kini sa truck nga nagkarga og mga baboy nga gimaneho ni Ronnel Ortega.

Ang maong trak mibangga sab sa duha ka mga pribadong sakyanan sa iyang atubangan nga gimaneho nilang Henry Farraren ug Selwyn Abejo.

Dayun nilahos og bangga sa duha ka motorsiklo nga gimaneho nilang Renato Magdadaro Jr., ug Edgar Ohina, ang duha maoy gidala sa tambalanan.

Nagkanayon ang driver sa mixer truck nga nawagtangan og brake ang truck pag-abot niini sa may S. Osmeña ug wala na siya makahunong pa sa pagpadulong sa traffic lights. IBM BANAT NEWS