^

Banat Balita

Indian illegal recruiter gikasohan

Rowena D. Capistrano - Banat

CEBU, Philippines — Usa Indian national ang gipasakaan og kaso sa mga sakop sa National Bureau of Investigation-7 human kini sa gireklamo og  illegal recruitment ug estafa.

Ang NBI-7 nipasaka og kaso batok kang Harjot Singh, alyas James Jeiz, giingong taga Sitio Ciwac, Barangay Bulacao sa Dakbayan sa Sugbo ug tungod sa estafa ug pagbarog usab isip usa ka recruiter. Base sa pamahayag sa NBI-7, si Singh giingong nanglimbong sa dili mominos 26 ka mga Sugbuanon alang sa trabaho sa gawas sa nasud bugti bayad nga dili mominos sa P20 mil matag usa.

Si Singh, giingong nagsugod sa pagpang recruit og mga tawong gustong makatrabaho sa abroad niadtong nakalabay nga Hunyo 2021.

Base sa taho sa mga biktima ang modus sa suspek, giimbitar sila niini ug gitanyagan og mga oportunidad nga makatrabaho sa abroad.

Gipasaligan sa suspetsado ang mga biktima nga mokita hangtud ngadto sa P130 mil ug aron madani ang recruit gipakitaan sila niini og matud kontrata sa gitanyag nga trabaho didto sa nasud sa Australia.

Sama sa mga pangayuong rekisitos sa gustong mag-abroad, gipangayoan sab sa suspek ang mga biktima og medical records ug siya maoy moproseso bugti sa bayad nga placement fees.

Apan naabtan nalang og pipila ka bulan walay bisan usa sa mga gi-recruit nga nakabayad ang nakalarga. Ang uban mibalik sa suspek aron bawion ang kwarta apan wala na kini mauli kanila hinungdan nga nidangop sila sa NBI-7

Sumala pa sa NBI-7 dili rehistradong recruiter para sa overseas workers sa POEA si Singh hinungdan nga kini gidakop. Mag-atubang usab si Singh og kalapasan sa Migrant Workers and Overseas Filipino Act of 1995 gawas sa iyang estafa ug illegal recruitment nga kaso.— IBM (BANATNEWS)

ILLEGAL RECRUITER

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with