Mga kawani dili mawad-an og trabaho
CEBU, Philippines — Dili mawagtangan og trabaho ang mga empleyado sa Cebu City Sports Center kini bisan og ang maong pasilidad sirad-an og balik gumikan kay himoon kining isolation facility.
Matod ni Jundel Bontuyan, Manager sa Cebu City Sports Center nga gipasalig sa Cebu City Government nga dunay gihapoy trabaho ang iyang mga empleyado tungod kay mao man kini ang mo-maintain sa palibot sa maong pasilidad.
Giklaro sab ni Bontuyan kun magsugod na unya og operate ang Sports Center isip isolation facility mahunong sab ang tanang kalihukan sa maong pasilidad sama sa jogging ug uban pa.
“Gipangandaman ra kay dili man gud matag-an labi na karon nagkataas basin ma-full, labi na karon ang province nagkataas so Cebu City man gud padong sa hospital sa Cebu City so in case naa gyuy pagsaka unya duol sa opsital, duol sa St. Vincent, duol sa CCMC mao gi-reseve na siya in case og unsa nga dapat ibutang diha nga patient”, sigon ni Bontuyan.
Sa pagkakaron jogging nalang ang gitugutan tungod kay ang badminton court gitrabaho na sa Local School Board aron mabutangan og mga COVID-19 beds ug uban pang gikinahanglan.
Si Julius Martin Anghel, pangulo sa Engineering Division sa Local School Board miingon nga giandam na nila ang mga beds diha sa badminton court ingon man sa mga dance studios.
Sa gawas nga bahin sa Sports Center dunay mga manindahay, sama ni Marivic Ariscon kinsa miangkon nga nabalaka sila apan kini mitataw nga magpadayon lang gihapon sila sa pagpaninda tungod kay mao man kini ang ilang source of income. —MEL (BANATNEWS)
- Latest
