Medical frontliners gibakunahan na og AstraZe
Cebu, Philippines — Dili momenus 570 na ka mga medical front liners ang nabakunahan og AstraZeneca, ang ikaduhang brand sa bakuna batok Covid-19 nga niabot sa Central Visayas sa bulan sa Marso.
Matud ni Dr. Mary Jean Loreche ang tigpamaba sa Department of Health Central Visayas (DOH-7) nga dili moubos sa upat na ka hospital ang nakasugod na og pamakuna sa ilang mga health workers niadtong Marso 15.
Kini mao ang Eversley Child Sanitarium and General Hospital (50), Cebu Doctor’s University Hospital (210), ARC Hospital (55) ug Cebu City Medical Center (60).
Wala pay labot niini ang Toledo City General Hospital (TCGH) nga nagsugod na usab pamakuna sa ilang mga sakop sa samang adlaw nga gipangunahan mismo Dr. Clyde Bequilla ang hepe sa maong tambalanan.
Magpadayon ang pagpamakuna hangtud mahurot ang 30 mil ka doses sa AstraZeneca nga gigahin alang sa rehiyon.
Si Dr. Mary Jean Loreche, chief pathologist ug tigpamaba sa Department of Health (DOH)-7 miingon nga 20 na ka pribado ug pangpublikong tambalanan sa rehiyon ang nakasugod na paggamit og AstraZeneca vaccine.
Kagahapong adlawa, ang Perpetual Succour Hospital nagsugod na sab sa pagpabakuna gamit ang AstraZeneca’s vaccine alang sa ilang mga medical frontliners apil na kadtong mga doktor nga senior citizens.
Ang mga nabakanuhan og AstraZeneca ang mipadayag nga mas kampante na karon sa trabaho apan magpadayon gihapon sila sa pagamping.
Sa pikas bahin, alas- 4 sa hapon karong adlawa himuon ang dry-run sa pagpamakuna diha sa Lourdes Parish sa Cebu City aron matino kun pila ka minutos, pila ka segundos ang mahuman ang pagbakuna aron mabanabana kun pila ka tawo ang mabakunahan sud sa usa ka adlaw.— Decemay Padilla , Rowena Capistrano ug Sanden Anadia (BANAT NEWS)
- Latest
