Mga pasahero naglisod tungod sa kanihit sa public transport
CEBU, Philippines — Sa pagdagsa og balik sa mga tawo nunot sa kapaskohan , nakita sa mga otoridad ang kakuwangon gyud sa pangpublikong transportasyon sa Dakbayan sa Sugbo.
Si Konsehal James Anthony Cuenco, Chairman sa Cebu City Jeepney Task Force nakig-alayon sa mga transport companies ug transport cooperatives nga aduna pay mga modernized jeepneys ug buses nga i-deploy kini sa kadalanan sa siyudad.
Sa pagkakaron, gipaabot pa ni Cuenco nga aprubahan ni Mayor Edgardo Labella ang dugang 14 ka mga rota nga ilang girekomendar.
“We have recommended an additional 14 routes. Mao nay idugang nato sa original nga gi aprubahan nga 33 man siguro to,” sigon ni Cuenco.
Gipahibalo sab ni Cuenco nga ang Talisay City lang ang nikuha og permit aron tugotan ang ilang mga Traditional Public Utility Jeepneys (TPUJ) nga makasulod sa Cebu City.
Apil sa gituki ni Cuenco kang Labella ang sugyot nga buksan pagbalik para sa mga TPUJs ang mga utlanan sa dakbayan ngadto sa tulo ka silingan niining mga siyudad.— IBM (BANATNEWS)
- Latest
