Wala katumar og tambal nag-wild

CEBU, Philippines — Duha ka higayon nga naghagis ang usa ka lalaki tungod kay wala katumar sa iyang tambal.

Girespondehan sa mga sakop sa Talamban Police Station ug Special Weapon and Tactics alas 11:05 kagahapon sa buntag sulod sa Talamban covered court si Ronel Clavsilla Abergedo, 34, taga Sitio Tigbao, Barangay Talamban, Siyudad sa Sugbo.

Matud ni Police Captain Jonathan Taneo, hepe sa Talamban Police Station, nga nitubag sila og alarma kabahin sa usa ka tawo nga nanghagis ug ilang gidala sa Talamban covered court.

Dugang ni Taneo nga paingon unta kining mopalit og tambal apan naabtan sa iyang sakit hinungdan nga nanghagis.

Ang SWAT nitubag sa alarma human nagpakitabang si Taneo tungod kay nisukol na kini ug dili na mapugngan sa iyang pagpang hagis pinaagi sa pagpanglabay og mga pinutol nga kabilya.

Gipasiritan kini og tubig sa mga bombero aron dili na makapanakit og mga tawo ug gilayog sa taga SWAT.

Matud ni Taneo nga ila kining gidala sa TB Pavillon aron matambalan sa iyang gihambin nga sakit. — Romeo D. Marantal/GMR

Duha ka higayon nga naghagis ang usa ka lalaki tungod kay wala katumar sa iyang tambal.

Girespondehan sa mga sakop sa Talamban Police Station ug Special Weapon and Tactics alas 11:05 kagahapon sa buntag sulod sa Talamban covered court si Ronel Clavsilla Abergedo, 34, taga Sitio Tigbao, Barangay Talamban, Siyudad sa Sugbo.

Matud ni Police Captain Jonathan Taneo, hepe sa Talamban Police Station, nga nitubag sila og alarma kabahin sa usa ka tawo nga nanghagis ug ilang gidala sa Talamban covered court.

Dugang ni Taneo nga paingon unta kining mopalit og tambal apan naabtan sa iyang sakit hinungdan nga nanghagis.

Ang SWAT nitubag sa alarma human nagpakitabang si Taneo tungod kay nisukol na kini ug dili na mapugngan sa iyang pagpang hagis pinaagi sa pagpanglabay og mga pinutol nga kabilya.

Gipasiritan kini og tubig sa mga bombero aron dili na makapanakit og mga tawo ug gilayog sa taga SWAT.

Matud ni Taneo nga ila kining gidala sa TB Pavillon aron matambalan sa iyang gihambin nga sakit. /GMR (BANATNEWS)