^

Banat Balita

Regulasyon sa junkshops sa Mandaue pahugtan

Kristin De Dios - Banat
Regulasyon sa junkshops sa Mandaue pahugtan
Konsehal Jennifer del Mar

CEBU, Philippines — Posibleng ipatuman ang mas hugot nga regulasyon ngadto sa mga junkshop, scrap dealer ug scrap buyer sa Dakbayan sa Mandaue pinaagi sa usa ka ordinansahon nga nagtumong sa pagpugong sa pagbaligya ug pagpalit sa mga kinawat nga kabtangan sa gobiyerno ug mga materiyales sa mga public utility.

Giaprobahan sa Mandaue City Council sa unang pagbasa ang Draft Ordinance No. 133-2026 nga nagtumong sa pagdili sa pagdaot, pagguba, pagputol ug pagpangawat sa mga kabtangan sa gobiyerno, mga pampublikong karatula ug mga kable o wiring sa mga public utility.

Tumong usab sa ordinansahon nga regulahon ang mga transaksiyon sa mga materiyales nga gigamit sa imprastraktura sa mga junkshop, scrap dealer, metal recycler ug uban pa’ng susamang establisemento aron dili kini mahimong agianan sa pagbaligya sa mga kinawat nga materiyales.

Matud ni Konsehal Jennifer del Mar, kinsa maoy niduso sa nahisgutang ordinsahon nga gihimo kini human sa sunod-sunod nga insidente sa pagpangawat sa mga kabtangan sa lokal ug nasudnong kagamhanan lakip na ang mga pampublikong karatula, road stud lights, wiring ug mga kable sa mga kompaniya sa utility.

 Kinahanglan usab nga manubag ang mga scrap buyer nga nahibalo nga kwestiyonable o posibleng kinawat ang ilang gipalit nga mga materiyales.

Si del Mar nagkanayon nga ang mga butang nga kasagarang targeton sa mga kawatan mao ang mga kable, suga ug karatula, mga kabtangan sa siyudad nga gigamit alang sa kaayohan sa publiko.

Ug nakatampo sa padayon nga pagpangawat sa nagkalain-laing bahin sa siyudad ang mga scrap buyer nga mopalit sa maong mga materiyales bisan pa og nahibalo sila’ng possible nga kinawat kini.

Matud usab ni Del Mar nga usa kini sa mga lakang sa siyudad aron matubag ang problema sa pagpangawat ilabi na nga daghan sa mga nadakpan nga nalambigit niini mga menor de edad nga dili mapasakaan sa samang silot nga ipahamtang batok sa mga hamtong.

Giawhag niya ang publiko nga i-report ang mga junkshop nga gidudahang nagpalit og mga kinawat nga kabtangan sa gobiyerno ug mga materiyales sa mga kompaniya sa

Mahimong idiretso sa opisina ni del Mar, sa Business Permits and Licensing Office (BPLO) o sa Mandaue City Police Office (MCPO) ang maong mga reklamo.  (BANAT NEWS)

JUNKSHOPS

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with