16 presumptive positive
Le Phyllis Antojado (Banat) - March 27, 2020 - 12:00am

MANILA, Philippines — Moabot na ngadto sa 16 ka presumptive positive case sa coronavirus diseases sa Central Visayas sumala pa ni Dr. Jaime Bernadas ang regional director sa Department of Health (DOH-7).

Matud niya adunay nadugang nga walo ka presumptive positive case sa rehiyon kagahapong adlawa. Usa niini gikan sa Negros Oriental, usa sa lungsod sa Cordova ug unom ang sa Cebu City.

Una ng gi-report sa DOH niadtong Marso 25 nga adunay walo ka presumptiveCOVID19  positive sa Sugbo,  ang usa niini anaa sa Dakbayan sa Lapu-Lapu, usa sa Dakbayan sa Mandaue ug unom sa Cebu City.

“For confirmation pa na siya. But we are treating them presumptive positive kay ato naman gihimo ang containment activities,” matud ni Bernadas

Ang mga specimens sa maong mga presumptive cases sa Visayas gipadala pa kini sa Research Institute for Tropical Medicine (RITM) alang sa kompirmasyon.

Ang containment measure nga gipasabot ni Bernadas mao ang pagpahigayon og contact tracing sa mga nahimamat sa mga “presumptive cases” ug pagbutang og containment facilities sa mga local government units.

Hinuon si Cebu City Health Officer Daisy Villa mipasabot nga kun presumptive COVID19 positive wa magpasabot nga positibo na gyud sa maong virus.

“Sa report naa tay presumtpive positive, kanang presumptive positive pasabot ana pwede sa confirmation mo negative, pwede sab mo positive,” matud ni Villa.

Matud niya usa ka inisyal test ang gihimo sa Vicente Sotto Memorial Medical Center ug ang resulta gikumpirmar pa sa RITM.

“Atong gibuhat kay presumptive positive siya so ato gi kordon, gi lock up ang kadtong lugar, ang compound, kay ngano man? Dili nato i-allow na ma expose sila, magsige og gawas-gawas contaminating the whole barangay,”matud ni Villa .

Giingon ni Villa nga wala sila gitugotan nga mogawas ug gibantayan sila sa mga personahe sa pulisya aron siguraduhong di sila makapanakod sa uban.

“Kung pananglitan mo negative, so at least we’ve done something, malipay ta. Pag mo positive at least naa tay nabuhat na ma control nato ang transmission sa gawas,”ingon ni Villa.

“Cebu City naa tay seven. Naa sa hospital ang uban, ang uban for discharge, naa sad na discharged, okay na sila. Gi monitor of course,” dugang pa ni Villa. Alicia Ivy L. Chua /IBM (BANATNEWS)

PRESUMPTIVE POSITIVE
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with