5-anyos patay human nadasmagi og van
CEBU, Philippines — Patay ang usa ka 5-anyos nga batang babaye human madasmagi sa Toyota Hi-Ace van nga natangag sa plakang GAA-8701 diha sa Masiwa Road, Barangay Marigondon, Dakbayan sa Lapu_Lapu niadtong Miyerkules sa gabii.
Ang kapolisan sa Presinto 4 sa Lapu-Lapu City Police Office (LLCPO) niila sa biktima nga si Kristel Mae Booc, nagpuyo usab sa maong dapit.
Base sa imbestigasyon sa kapolisan nga ang nahisgutang van nga gimaneho ni Alejandro Quimbo nagbiyahe kini diha sa nahisgutang karsada ug kalit lang nitabok ang biktima.
Si Quimbo wala kini makabantay dayon sa bata hinungdan nga nadasmagan kini.
Ang bata daling gidala diha sa Mactan Doctor Hospital sa Barangay Basak sa nahisgutang dakbayan apan patay na kining naabot sa maong tambalanan.
Si Quimbo nadetiner karon diha sa detention cell sa Presinto 4. /BDB (BANATNEWS)
- Latest