21 ka tawo napriso atol sa piyesta sa Talisay
Gabriel C. Bonjoc (Banat) - October 17, 2019 - 12:00am

CEBU, Philippines – Duha ka adlaw pa lang sa paglingkod sa bag-ong hepe sa kapolisan sa Dakbayan sa Talisay, 21 na ka tawo nga malapason sa balaud ang nasikop.

Si Police Major Gerard Ace Pelare nibutyag nga wa na siya maglangay sa pagpatuman sa Oplan Linis Talisay bisan pa man sa adlaw sa kapistahan. Kini ang hinungdan nga nahimo sab nga malinawon ang pagsaulog sa kapistahan ni Sta. Teresa de Avila.

Ang ilang mga nasikop sa nagkalaain-laing kalapasan ang nitiwas sa pagsaulog sa pista sulod sa bilanggoan.

Nagkanayon si Pelare nga ilang gihimo ang operasyon sa nagkalain-laing barangay hinungdan nga nangasikop ang nagduwa og mahjong, tong-its ug uban pang matang sa sugal samtang unom sab ang nasakpan nga nag-pot session.

Asoy pa ni Pelare nga iyang ipadayon ang nasugdan nga programa ni Police Major Orlando Carag Jr. apan iya pa kining palambuon.

Nalipay sab si Mayor Gerald Anthony “Samsam” Gullas Jr. gumikan sa malampuson nga kapistahan.

Niabot sa 15,000 ka tawo ang gibana-bana nga nidagsa sa siyudad atol sa kapistahan. (/GMR)(BANAT NEWS)

 

PIYESTA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with