NMYL Cebu nagpili og bag-ong mga opisyal

CEBU, Philippines — Nagpili na og bag-ong mga opisyal ang National Movement of Young Legislators (NMYL) Cebu Chapter.

Ang presidente mao si Konsehal Jayson Giducos Repaso sa Lungsod sa Santa Fe kinsa usa ka abogado, bise presidente si Dr. Jeff Walther Oyas, konsehal sa Lungsod sa Catmon; secretary general si Konsehal Jeffrey Anthony Yapha sa Pinamungajan; assistant secretary general si Konsehal Ma. Stella Sumayang sa Borbon; treasurer si Konsehal Philip Jude Medalla sa San Fernando; assistant treasurer si Konsehal Jepthtah Yapha sa Pinamungajan; auditor si Konsehal Alphonsine Corominas sa San Remigio, public relations Ang Board of Directors gilangkuban nilang Bokal Francis Edward Salimbangon kinsa konsehal sa Lungsod sa Tabogon ug pangulo sa Philippine Councilors League (PCL) Cebu Chapter, Bise Mayor Earl Tidy Oyas sa Catmon, Konsehal Liz Arden Aquino sa Moalboal,  Konsehal Afshin Mark Senor sa Dakbayan sa Naga, Konsehal John Anthony Anober sa Barili, Konsehal Romeo Alarde Jr. sa Dakbayan sa Bogo, Konsehal Miguel Maria Martinez sa San Remigio ug Konsehal Robert Alquizola sa Barili. Atol sa eleksyon nitambong si Cavite Vice Governor Jolo Revilla kinsa nagtinguha nga modagan isip national chairman sa NMYL sunod tuig nga eleksyon. Ang NMYL gilangkuban sa mga napili nga mga bise gobernador, board members, bise mayor ug mga konsehal sa lungsod sa siyudad kinsa nagpangedaron og dili molapas sa 40-anyos dihang napili sa eleksyon. Si Repaso mapasalamton sa pagsalig sa iyang mga sakop sa tibuok Lalawigan sa Sugbo bisan og gikan siya sa usa ka gamay nga lungsod.

“I’m proud and happy for the first time a councilor coming from a remote island municipality has seated as president of the highly respected organization of the youth in the entire Province of Cebu, the NMYL,” matud ni Repaso.

Gipasalamatan sab ni Repaso si kanhi kongresista Benhur Salimbangon sa ikaupat nga distrito sa lalawigan diin sakop ang Santa Fe ingon man ang anak niini nga si Bokal Francis Salimbangon ug si Santa Fe Mayor Ithamar Espinosa sa ilang suporta.

Nasundan ni Repaso sa posisyon mao si Bise Mayor Erwin Gica sa Lungsod sa Dumanjug. (BANATNEWS)