Saktong pagputol sa kuryente gitudlo

CEBU, Philippines — Gitudloan sa taga Visayan Electric Company (VECO) ang mga electrician sa kabarangayan ug Talisay City Hall kun unsaon nila sa pagputol sa kuryente kun adunay mahitabong trahedya.

Kini sama sa kusog nga hangin nga gumikan sa bati nga panahon ug maoy hinungdan nga mangatumba ang poste sa kuryente.

Gani nahitabo gyud kini sa Barangay Cansojong, Dakbayan sa Talisay diin ang usa ka balay natumbahan sa kahoy gumikan sa kakusog sa hangin.

Nilanat gyud og tibuok gabii ang brown-out tungod sa maong hitabo.

Samtang ang pangulo sa City Disaster Risk Reduction and Management Office (DRRMO) nga si Alvin Santillana nipahibawo nga gumikan sa bati nga panahon aduna gyuy mga pamilya nga gipabakwit sa ilang kaliwat nga panimaye tungod sa kakusog sa bawod nga mohapak sa ilang panimaye sa Barangay Dumlog.

Dili sab maayo nga maglakaw-lakaw sa bisan asa nga lugar kay basin unya og matagakan og bisan unsa nga butang tungod sa paghapak sa hangin. Ang pagkamabinantayon maoy labing importanteng hinagiban batok sa katalagman. (BANAT NEWS)