Bana nagselos, gisunog ilang balay
Camille L. Pateres (Banat) - May 27, 2019 - 12:00am

CEBU, Philippines — Gisunog sa usa ka bana ang kaugalingon niyang panimalay sa Dakbayan sa Toledo  tungod sa selos niadtong Mayo 22 sa hapon.

Gipugngan sa kapolisan ang pangalan sa magtiayon aron sa pagprotekta sa ilang pamilya. Nahimutang ang ilang panimalay Barangay Talavera, Dakbayan sa Toledo ug sigon ni Police Staff Sergeant Reyno Allego, imbestigador sa Toledo City Police nga naglalis ang managtiayon sanglit adunay giselosan ang bana.

Sa dihang nagkainitay na ang away, nagpundok og layang dahon sa saging ang bana ug gidauban kini ug maoy nahimong hinungdan nga naugdaw ang tibuok nilang balay.

May na lang kay wala ra maunsa ang lima kabuok nilang mga anak atol sa hitabo. Wala usab makakatap ang kayo sa mga silingang kabalayan.

Gibana-bana nga moabot ngadto sa P10 mil ang danyos sa maong sunog.  Gidakop sa kapolisa ang nagselos nga bana apan pagkaugma niana, gibuhian ra usab kini sanglit giingong wala nay plano nga moduso og kaso ang asawa.

“Di na lang kuno siya mopasaka og kaso, ang iya na kuno kay magkabuwag na sila,” sigon sa polis. Giingong sa barangay na maghusay ang magtiayon. (/DILT)(BANATNEWS)

 

BANA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with