Car park building sa kapitolyo di idayun
Le Phyllis F. Antojado (Banat) - May 22, 2019 - 12:00am

CEBU, Philippines – Dili na ipadayon pa sa Kapitolyo ang pagpatukod sa 4-storey car park building sulod sa Capitol compound.

Matud ni Jone Zeigfred Sepe, ang vice chairman sa Bids and Awards Committee (BAC) sa Kapitolyo, nga sa ilang bana-bana maabtan na sa “crossover” o sa paglingkod sa bag-ong administrasyon sa Probinsiya sa Sugbo ang proseso sa “negotiated agreement” alang sa maong proyekto hinungdan nga dili na lang nila kini idayon.

“Naa naman ta sa transition phase so kami sa BAC mo-recommend mi sa governor nga dili na lang ipadayon ang kining 4-level parking at this time. We will let the new governor decide kung iya ba ning ipadayon or dili,” matud ni Sepe. “Ang mahitabo man gud by June 30 kaming mga appointed by the current governor as members of Bids and Awards Committee, mo-expire naman among term unya wala naman mi authority beyond June 30, so basi’g mas maayo ang new administration na lang ang mo-decide,” sumala ni Sepe.

Ang pagpatukod og 4-storey car park building sulod sa Capitol compound dili momenus ka tulo kini nga niagi og failure of bidding diin duha ang regular bidding.

Ang katapusan nga gihimo nga aksyon sa BAC sa maong proyekto mao ang pagpaubos sa negotiated procurement apan ang offer sa mga kontraktor mas taas pa sa Approved Budget for Contract (ABC) tungod kay matud pa nimahal na ang presyo sa materyales.

Kini ang hinungdan nga giuli sa BAC ang mga dokumento sa engineering department sa Kapitolyo alang sa pag-review diin nakita nga angay ikonsiderar ang mga punto o rekomendasyon sa supplier pag-abot sa pag-adjust sa ABC.

Ang uwahing ABC nga gitakda sa BAC alang sa car park building moabot sa P91 milyones.

Matud ni Sepe nga wala pa hinoon makasumiter og final assessment ang engineering department apan ang tuno sa suwat niini ngadto sa BAC posibleng adunay adjustment nga himoon sa ABC diin posibleng moagi na sab og negotiated procurement.

Uyon si Gobernador Hilario Davide III sa rekomendasyon sa kasamtangang BAC diin lakip sa wala na idayon ang auction sa 14 ka luna nga gipanag-iya sa probinsiya nga unang gireklamo ni Governor-elect Gwendolyn Garcia.

Apan gitataw ni Sepe nga bisan sa wala pa moreklamo si Garcia, nakadesisyon na ang Kapitolyo nga dili na lang idayon ang pagbaligya sa maong mga luna tungod kay maabtan gihapon kini sa transition period. (/GMR)(BANAT NEWS)

 

CAR PARK
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with