Mga bata gitambagan nga dili makigduwa sa mga iro
Brenda D. Batuto (Banat) - March 29, 2017 - 12:00am

CEBU, Philippines - Ang hepe sa Provincial Veterinary Office (PVO) Dr. Mary Rose Vincoy nanawagan sa publiko, ilabi na sa mga ginikanan nga dili pasagdang magduwa-duwa sa iro ang ilang mga anak.

Matud ni Vincoy nga karong mga buwana tingbakasyon na sa mga bata sa ilang eskuwela ug ang mga bata ganahan kaayo kini nga magduwa-duwa sa ilang mga pet sama sa iro o gani bisan dili pa nila kaugalingong binuhi.

Giawhag ni Vincoy ang mga ginikanan nga aron malikayan ang rabies badlungon gyud ang mga bata nga makigduwa og iro. Sagad gyud nga panahon sa summer modaghan ang kaso sa rabies.

Ang buwan sa Marso mao ang pagsaulog sa “Rabies Month” ug ang mga kawani sa PVO moanha sa kalungsuran aron mamakuna og mga iro, mag-spaying (ligate sa babayeng iro) ug neuter (kapon sa lalaking iro).

Ang mga iro aron dili kini mataptan og rabies kinahanglang pabakunahan ug aron dili usab modaghan kinahanglang ipa-ligate ang babaye ug ipakapon ang lakaki.

Apan bisan og dili rabies month, ang PVO ug ang mga veterinary office sa kalungsuran ug siyudad sa probinsiya mamakuna gihapon kini sa mga iro aron malikayan ang rabies.

Sukad niadtong buwan sa Enero niining tuiga kapin sa 20 ka local government units (LGU) ang mga nabisita sa PVO lakip niini ang mga lungsod sa Argao, Compostela, Lilo-an, Madridejos, isla sa Camotes ug dakbayan sa Talisay. Dugang ni Vincoy nga ang iro nga makapon o ma-ligate mopundo na kini ug dili na molighot og laag o mag-aburido ang ulo unya makigbugno sa laing iro. (BANAT NEWS)

PROVINCIAL VETERINARY OFFICE
Philstar
Facebook
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with