JO nga nagpa-pedicure, gimemohan
CEBU, Philippines - Nangayo og katin-awan si Lapu-Lapu City Mayor Paz Radaza ngadto sa usa sa ka trabahante sa City Hall ubos sa Manpower and Development Office (MDO) subay sa nag-viral niini nga litrato diin nagpa-pedicure kini sulod sa information desk sa City Social Welfare Services (CSWS) bisan og oras tingtrabaho.
Matud ni Mayor Radaza nga dali niyang gitagaan og memo si Carmelita Casinillo, aid sa MDO human nakuhaan sa akto nga nagpa-pedicure ug nag-viral ang iyang hulagway sa Facebook sugod niadtong adlaw’ng Martes.
Sa habig ni Casinillo, 60 anyos ug residente sa Brgy. Bankal nagkanayon nga gikan siyang nipanso sa iyang DTR ug naabot siya sa CSWS office, nakasugat siya og pedicurista ug kay nagsakit ang iyang ingrown iya kining gipalugit.
Wala siya nakabantay nga adunay nikuha og hulagway hinungdan nga nagmahay siya sa maong insidente. Gikatahong usa ka kliyente sa CSWS office ang nakabantay kang Casinillo. Subay niini, si Radaza nitataw nga di siya ganahan nga i-tolerate ang maong buhat kay daku kining uwaw sa mga nagtrabahao sa city government.
"All the City Hall employees must be forwarned. Dili gyud na i-tolerate," matud ni Radaza.
Mapasalamaton si Radaza ngadto sa nagpost sa hulagway kay kun dili tungod niini, dili siya makahibaw ug di kini ma-aksyonan dayon. (BANAT NEWS)
- Latest
