I-reward ang donasyon
CEBU, Philippines - Gibutyag sa pangu sa Police Regional Office 7 (PRO-7) nga nakadawat sila og P300 mil gikan sa mga pribadong sektor isip suporta sa ilang kampanya batok sa ilegal nga drugas sa rehiyon. Alang kini sa mga pulis nga makapatay og mga drug personalities.
Matud ni Regional Director PCSupt. Noli Taliño nga aduna pay nipasalig nga muhatag og pinansiyal nga suporta alang sa ilang anti-drug operations ug dili lang kini alang sa dakbayan sa Sugbo kun dili alang usab sa tibuok rehiyon.
Lakip nga gisabutan kun pila ang madawat sa makapatay ug sa bana-bana ni Taliño, dili daku ang madawat nga reward money sa mga makapatay.
Iyang gipahimug-atan nga mga pulis ra ang ilang hatagan sa reward money ug walay labot kadtong mga vigilante.
Dugang ni Taliño nga bukas ang iyang buhatan nga modawat og dugang suporta alang sa ilang operasyon batok sa ilegal nga drugas. (BANAT NEWS)
- Latest
