40 wanted nasikop
Bryner L. Diaz (Banat) - June 26, 2016 - 12:00am

CEBU, Philippines - Dul-an 40 ka wanted persons gipangdakop sa kapulisan sa Dakbayan sa Sugbo human nga gi-serve sa Cebu City Police Office ang ilang nga warrants of arrest niadtong Biyernes.

Mao kini ang ikatulo nga higayon nga nagpahigayon ang Cebu City Police Office og pagpanakop sa mga tawo nga adunay standing warrants of arrest nga kabahin kini sa Oplan Lambat Sibat nga proyekto sa kapulisan.

Niadtong Biyernes na-serve sa kapulisan ang dul-an sa 40 ka warrants diin ang labing bata nga nadakpan mao ang 20-anyos nga akusado sa pagpanulis.

Samtang ang labing tigulang mao ang usa ka 71-anyos nga lalaki nga wanted sa kaso nga estafa.

Niadtong Abril, 742 ka mga warrants of arrest ang ilang gipanghatud ug 44 ka mga wanted sa nagkalainlaing kaso ang nasikop sa kapulisan, lakip na ang usa ka kanhi middleweight champion boxer.

Samtang nasikop sa kapulisan ang usa ka lalaki nga gi-report nga armado sa Greeb Village, Brgy. Guadalupe sa Dakbayan sa Sugbo niadtong Biyernes sa hapon.

Nadakpan si Lucky June Ibon, 32, human nga nakit-an siya sa mga pulis nga miresponde sa alarma nga nagwara-wara sa iyang armas.

Dihang naabot ang mga pulis mitahan ra hinoon ang suspek ug human sa iyang pagkadakop nasuta nga lakip diay kini sa top ten drug personalities sa Dakbayan sa Sugbo.  (BANAT NEWS)

 

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with