Asturias Police may OIC chief na
CEBU, Philippines – Nilingkod na ang kasamtangang hepe sa kapolisan sa lungsod sa Asturias hulip sa namatay nga si Senior Insp. Glenn Devocion kinsa giatake sa kasing-kasing.
Matud sa direktor sa Cebu Provincial Police Office, Senior Supt. Noel Gillamac, nga temporaryo nga molingkod isip hepe sa Asturias si Senior Insp. Narciso Abapo.
Sumala pa ni Gillamac nga iya kini’ng gihimo ilabina nga tapos na ang klase sa mga tunghaan, panahon na sa bakasyon ug Semana Santa diin daghang angayan tutukan ang kapolisan sa seguridad.
Duna na’y tulo ka pangan sa mga opisyal sa polis ang gihatag sa mayor aron iya’ng pilian nga mahimo’ng permanente’ng hepe sa lungsod.
Nunot niini si Gillamac nipahinumdum sa iyang mga sakop nga bantayan gyud ang ila’ng panglawas ug magpa-checkup sa doktor ilabi na kung magsaka na ang edad. Matag duha ka buwan adunay “zumba” ug “hiking” ang kapolisan aron mapabilin ang kalagsik sa ila’ng panglawas. – /GMR) (BANAT NEWS)
- Latest
