Lalaki nakuhaa’g pinaketeng shabu
CEBU, Philippines - Usa ka lalaki ang nadakpan human nakuhaan og usa ka dakong putos sa gituohang shabu atol sa saturation drive sa kapolisan sa Liloan diha sa Sitio Suba, Barangay Poblacion. Si Police Officer 3 Cedric Castillo sa Liloan Police Station miila sa nadakpan nga mao si Gerald Cañete Seno, 34, taga Bag-ong Dalan, Barangay Yati sa nahisgotang lungsod.
Matud ni Castillo gimando sa ilang hepe nga si Senior Inspector Ramil Morpos ang pagpahigayon og anti-criminality campaign sa nagkadaiyang dapit sa lungsod sa Liloan.
Sa ilang paglabay sa Barangay Poblacion ilang nasigpatan ang suspetsado nga nakig-estorya sa wala hiilhing lalaki apan sa pagkakita kanila, kalit kining midagan.
Si Seno matud pa nabantayan nga dunay gikuptan nga kadudahang butang hinungdan nga kini gisitar ug sa pagsusi usa diay kini ka dakong putos sa shabu.
Sa pagrekisa kaniya, dugang duha pa ka gagmay nga paketeng shabu ang nakuha kaniya, kasong paglapas sa Section 11 sa Article 2 ubos sa Repulic Act 9165 o Dangerous Drug Act of 2002 ang ipasaka batok sa suspek. (BANAT NEWS)
- Latest
