Volunteers for Environment mohimo’g kalihukan sa 2015
Jose P. Sollano (Banat) - January 2, 2015 - 12:00am

CEBU, Philippines – Mohimo og lapad nga kalihukan karong tuig 2015 ang bag-ong naumol nga Volunteers for Environment of Cebu sa pag-edukar sa katawhan sa kamahinungdanon sa pagpakabana aron maproteksyonan ang kalikupan.

Si Dr. Edilberto Alvarado, tsirman sa bag-ong natukod nga grupo, niingon nga mao kini ang nauyonan sa ilang mga miyembro atol sa bag-o lang tigum nga ilang nahimo.

Nalipay si Alvarado sa pasalig ug suporta ni Konsehal Arvin Abing sa Maribago, dakbayan sa Lapu-Lapu ingon man ni Brian Yuson, presidente sa St. James Academy of Skills Technology, Inc. nga bag-o lang usab nakadawat og pasidungog gikan sa Malakanyang gumikan sa iya’ng naimbento nga sakyanan nga dili na mogamit og gasoline o krudo.

Matud ni Alvarado nga moduaw sila sa kalungsuran sa probinsya sa Sugbo. Gani si Mayor Democrito Diamante sa lungsod sa Tuburan ug presidente sa League of Municipalities in the Philippines (LMP) Cebu Chapter, nipasalig usab sa suporta.

Nalipay si Alvarado sa suporta nga gipaabot ni kanhi Cebu Customs Collector David “Kuya Boy” Odilao, Jr.  nga nangulo usab karon sa kahugpongan sa BISDAK.

Gawas sa kalungsuran ug kabarangayan, tinguha usab sa grupo ni Alvarado nga moduaw sa nagkalain-laing mga tunghaan.

Nalakip niini ang mga pribadong tunghaan sa hayskol ug kolehiyo aron sila edukahon unsa kamahinungdanon nga magpakabana aron mapanalipdan ang kalikupan. (BANAT NEWS)

ALVARADO BRIAN YUSON CEBU CHAPTER CEBU CUSTOMS COLLECTOR DAVID DR. EDILBERTO ALVARADO ENVIRONMENT OF CEBU KONSEHAL ARVIN ABING KUYA BOY LEAGUE OF MUNICIPALITIES MAYOR DEMOCRITO DIAMANTE
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with