^

Banat Balita

Inahan, 2 bata, lalaki angol sa aksidente

Jojo C. Ugdol ug Romeo T. Limpangog/GMR - Banat

CEBU, Philippines - Nalandig sa tambalanan ang usa ka 22-anyos nga inahan ug 11 ka buwan nga anak human sila nabanggaan og motorsiklo niadtong Lunes sa gabii sa sitio Ponong, Poblacion, Samboan.

Ang mga biktima naila nga sila si Lorna Mayormita ug iyang anak nga si Jefferson, taga barangay Canorong, Samboan samtang ang nagmaneho sa motorsiklo naila nga si Jaime Rusiana, 35, taga Calatagan, Samboan.

Sa imbestigasyon sa Samboan Police nasayran nga hubog ang drayber sa motorsiklo ug wala’y suga dihang nakabangga sa inahan ug anak kinsa nakaangkon og bun-og ug dali nga gidala sa Malabuyoc District Hospital ug gibalhin sa tambalanan  sa Dumaguete City.

Samtang laing minor de edad ang nabanggaan gihapon og motorsiklo sa barangay Suba sa maong lungsod pasado alas 5 sa hapon niadtong Lunes.

Ang biktima naila nga si Jimboy Mendoza, 5-anyos, taga Canlumakad, Santander samtang ang nagmaneho sa motorsiklo naila nga si Joeren Angulo, 35, taga Basak, Samboan.

Daling gidala sa Malabuyoc District Hospital ang maong bata nga nakaangkon og mga pangos ug bun-og sa lawas.

Si PO1 Jason Hiramis sa Samboan Police mitug-an nga posibleng dili na mopasaka og kaso ang pamilya sa mga biktima human misaad ang mga nakabangga nga moabaga sa tanang gasto sa tambalanan.

Sa laing bahin, naangol ang drayber sa Toyota Vios dihang kalit lang nahaybol human nadumbolan sa nagsunod nga Isuzu delivery truck sa UN Avenue, Umapad, dakbayan sa Mandaue niadtong miaging adlaw.

Ang biktima mao si Dario Delgado, 50-anyos, taga Cabantan, Mabolo, dakbayan sa Sugbo ug ang Isuzu delivery truck  gimaneho ni Ranjet Andales, 33-anyos, taga Timpolok, dakbayan sa Lapu-Lapu.

Paingon sa dakbayan sa Lapu-Lapu ang Toyota Vios samtang  nagsunod ang delivery truck.

Nabangga sa gutter ang awto hinungdan sa pagbalitok ug grabeng naangol ang biktima ug nalandig sa tambalanan. (BANAT NEWS)

DARIO DELGADO

DUMAGUETE CITY

ISUZU

JAIME RUSIANA

JASON HIRAMIS

MALABUYOC DISTRICT HOSPITAL

SAMBOAN

SAMBOAN POLICE

TOYOTA VIOS

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with