Naalaan
CEBU, Philippines - Samtang patay usab ang usa ka drayber sa traysikad nga gituohan sa kapolisan nga nasaypan sa tulo ka wala hiilhing lalaking nagsakay og motorsiklo sa Purok 1, Barangay Bangbang, Lungsod sa Cordova alas- 8 pasado ang takna sa miaging gabii.
Ang biktima giila ni Senior Police Officer One Danny Alburo nga mao si Rodrigo Berame, 26, nagpuyo sa maong dapit.
Matud pa ni Alburo nga naglingkod sa lingkoranan sa ilang silingan ang biktima dihang kalit miabot ang tulo ka lalaking nagtaptap og panapton ug nag-jacket og itom ug diretsong mipaulan kaniya og bala.
Ang mga silingan nga nakamatikod sa maong pagpamusil mitug-an nga usa sa tulo ka mga lalaking nagsakay og motorsiklo ang nanaug ug maoy mipusil sa biktima.
Nagduda ang kapolisan nga nasaypan ra ang biktima gumikan kay wala kini kontra. Nakuha sa crime scene ang siyam ka mga kabhang sa kalibre .45 nga ilang gituohan nga gikan kini sa armas sa wala hiilhing mamumuno niini. (BANAT NEWS)
- Latest
