^

Banat Balita

Gubang gadgets dad-on sa Japan

Lilibeth Ambayec - Banat

CEBU, Philippines - Nakighiusa ang mga opisyal sa dakbayan sa Sugbo sa mga korporasyon sama sa SM Prime Holdings ug Nippon Magnetic Dressing alang sa Management on Electronic Waste.

Ang Kitakyushu City, Japan ug Cebu Commom Treatment Facility Incorporated (CCTFI) ang apil usab sa maong proyekto.

Tuyo sa maong proyekto ang saktong paglabay sa mga electronic wastes sama sa cellphones, computers, appliances ug uban pang gadgets nga dili na mahimong ayuhon ug ang paglikay sa dautang epekto sa panglawas.

Usa ka memorandum of agreement ang gipirmahan ni Mayor Michael Rama, Konsehal Nida Cabrera; Maria Teresa Mempin, assistant manager sa SM Cebu; Engr. Teodoro Locson, president sa CCTFI, ug mga representante gikan sa Japan. Gitambungan usab ang MOA sa kapitan sa barangay Mabolo nga si Reynaldo Ompoc ug ni Petronilo Fat Jr. sa barangay Hipodromo.

Matud ni Cabrera nga dakong problema karon sa Sugbo ang electronic waste tungod sa dili maayong pamaagi sa paglabay.

Ang mga salin sa electronic gadgets giingong direktang ilabay ngadto sa mga water systems ug kini adunay dautang epekto sa katawhan.

Unang lakang sa nahisgutang proyekto mao ang pagpakatap og mga waste bins diin pwede ilabay ang mga cellphones nga dili na mapahimuslan ug ipahimutang sa barangay Mabolo ug Hipodromo.

Mitataw si Locson nga sa unang unom ka buwan sa proyekto, ang mga dili na maayo nga cellphones lang una ang ilang kolektahon aron sayon ang pagdala ngadto sa Kitakyushu City, Japan aron i-recycle.

Gipahibawo ni Mempin nga magbutang sila og mga waste bins sulod sa SM malls matag unang Biyernes ug Sabado sa bulan ug aduna sila’y trash to cash nga paagi diin bayran og P10 ang matag yunit sa cellphone nga ihatag. (/GMR)(BANAT NEWS)

ANG KITAKYUSHU CITY

CEBU COMMOM TREATMENT FACILITY INCORPORATED

ELECTRONIC WASTE

HIPODROMO

KITAKYUSHU CITY

KONSEHAL NIDA CABRERA

MARIA TERESA MEMPIN

MAYOR MICHAEL RAMA

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with