Lalaki gipatay sa masyador
Darrel Carumba (Banat) - August 27, 2013 - 12:00am

CEBU, Philippines - Gipusil patay atol sa gipahigayung disco ang usa ka mag-uuma sa masyador sa tigbakayan nga iyang gikalalis atol sa kapistahan didto sa Sityo Bangkal barangay Lamesa sa lungsod sa Balamban.

Ang biktima mao si Teborcio Taburnal, 54 ,  apan dunay kapuyo nagpuyo sa maong lugar ug usa ka mag-uuma. Giila usab ang suspek mao si Victor Pardillo, 36, nagpuyo sa barangay Liki Balamban. Matud ni SPO1 Jose Renielito Villarino, imbestigador sa Balamban Police dihang nahinabi sa Banat News ang biktima ug ang suspek nagkomedyahay sud sa diskohan hangtud nga nagkalalis ug nagsukmagay.

Dali hinuon silang gipakgang sa mga tanod maong mipauli og una si Taburnal apan nasangit kini sa nag-inom nga kabarkada ug didto kini naabtan sa suspek nga nagdala na diay og armas ug diretsong gidul-itan ang ulo sa biktima tulo ka higayun.

Ang biktima nakaangkon og duha ka samad pinusilan sa liog ug usa ka pinusilan sa iyang tuong tampihak sa ulo nga nilapos ang bala sa pikas nga bahin.

Ang suspek nagdaling nisibat sa lugar apan pagka alas 2:40 sa hapon sa maong adlaw mitahan kini ngadto ni PO2 Godofredo Dumdum kinsa maoy mi-turnover kaniya sa presinto.( /EIM)  (BANAT NEWS)

 

BALAMBAN BALAMBAN POLICE BANAT NEWS GIILA GODOFREDO DUMDUM JOSE RENIELITO VILLARINO LIKI BALAMBAN SITYO BANGKAL TEBORCIO TABURNAL VICTOR PARDILLO
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with